34D張秀文封新一代咪神
擁34D上圍的前港姐亞軍張秀文（Sammi），在上周三播出的無綫節目《超強選擇1分鐘》穿三點式大玩滑水比賽，其4吋事業線表露無遺，趴身胸壓水泡的Sammi除於比賽獲冠軍外，更被網民封為「新一代無綫咪神」。雙贏的她昨日出席活動時自爆當時冇諗過做防走光措施，認真大膽！
張秀文
「過氣咪神」呂慧儀希望張秀文Encore再放「峰」。
文：專案組
無綫節目《超強選擇1分鐘》播出以來話題多多，最矚目莫過於在本月22日晚播出張秀文、樂瞳及松岡李那玩滑水梯競技比賽一集，三位嘉賓要快、狠、準推跌終點的巨型保齡球，最快而跌得最多的便是勝利者。當主持森美問到三位嘉賓勝利宣言時，穿上衣的樂瞳及松岡李那只稍露纖腰，相反2010年香港小姐亞軍Sammi則穿三點式大晒34D「Big」爆身材，其4吋事業線頓成「超強事業線」！
呂慧儀睇完嗌Encore
企定定咁睇泳裝當然唔夠喉，Sammi於正式比賽時來一招「大送秋波」，趴身胸壓水泡的她向巨型保齡球衝，未知是否「重心」太厲害，最終推跌5個巨型保齡球成為冠軍！節目出街後，不少網友指Sammi「禾稈冚珍珠」兼封她為「新一代無綫咪神」，Sammi今次認真Win Win雙贏！昨日她與呂慧儀及森美宣傳《超》，曾屬「無綫咪神」的人妻呂慧儀漸退下火線，她指有翻看節目：「真係好養眼，好嘢梗係要Encore啦！但如果我上節目玩水就會着多兩件T-shirt防走光。」Sammi則坦言未想過反應如此熱烈：「都係瀡滑梯，好健康，冇諗過大家咁有驚喜！其實拍之前冇做防走光措施，之後大家叫我黐（膠紙）吓好啲，但我綁得好實，又黐咗4、5塊膠紙喺入面，有咩都淨係見到膠紙！」
樂瞳「恐嚇」會走光
對於獲封「新一代無綫咪神」，Sammi昨日接受電話訪問時起初唔知點答，其後才感謝大家：「呢個都係讚美，但我唔覺得自己係咪神，前任咪神好似高海寧身材好好多，我呢啲小巫見大巫！」問到為何起初冇諗過做防走光措施？她說：「唔知原來要趴身撞保齡球，又要一Take過，點知樂瞳嚇我話會成件泳衣飛出嚟，所以即刻問工作人員借膠紙。」Sammi表示日後會睇場合才穿三點式，又不怕被指博上位：「成件事其實好Sporty，平時唔會咁着，夏天性感少少都OK！」
另外，有讀者向本報表示星期五使用TVB Fun參加節目時，即使答中兩條問題，累積分數仍顯示為0分。無綫市場及營業部助理總監尹錦輝表示：「手機顯示到佢答案次序，中央系統就會收到答案即時抽獎，就算手機冇顯示分數都已經抽咗獎。」他又指可透過TVB Fun提供的熱線要求審核結果。
