無綫新遊戲節目《超強選擇一分鐘》前晚到荃灣一所私人泳池玩遊戲，何佩瑜（Jeana）與蔚雨芯（Rainky）等鬥快「划水泡」讓觀眾競猜賽果。以比堅尼晒事業線的Rainky搶盡「峰」頭，穿密實小背心的Jeana完全被比下去！文：影視組

蔚雨芯爬上水泡時勁晒逼爆身材，連在旁幫手的猛男也忍不住偷望。

何佩瑜姿勢似模似樣，可惜着密實小背心，身材輸晒！

蔚雨芯與何佩瑜等前晚在《超強選擇一分鐘》中玩划水泡，Rainky碧波蕩漾，以比堅尼晒三寸事業線，「峰」頭完全蓋過以小背心示人的Jeana，期間Rainky跌落水，全身濕透，十分性感，連在水中護花的猛男都忍不住偷望！

身材「縮水」失威

Rainky說：「對上一次着泳衣已經係拍攝電影《美人魚》，我成日都講唔係為性感而性感，今日水上活動着比堅尼好正常。自己都有操，我接咗個收身廣告，媽咪煮九大簋都唔夠膽食！」

而收起性感的Jeana被搶盡「峰」頭，她說：「腰又肥咗，其他嘢又縮咗水，唔好喇！驚搞到收視唔好！（留番拍電影先性感？）唔關事，嗰套微電影係意識上大膽啫，我都好開心可以拍到。其實好難，演員好被動，要等機會。」她又自爆考車失敗令情緒低落，之前搬屋還撞瘀腳，但她覺得是時候長大。

森美口誤嗌錯名

另外，《超》首播時出現系統失靈，但前晚第二集運作已經十分暢順，共有十四萬七千名觀眾投票玩遊戲，但未知森美和錢嘉樂是否太緊張，森美將歐陽巧瑩說成「司徒巧瑩」，嘉樂也口窒窒。