「翻版張栢芝」陶枳樽（Crz）、袁嘉敏、「仙樂都」吳堯堯、E Cup「港版雞排妹」黃芷嫣（Vanessa）及D Cup「怪談女」黃凱欣（Ruby）將於明日舉行的動漫節中，到遊戲電玩公司GAMEONE的攤位組成「香港古龍隊」，對戰由台灣Model小希、連書玉（喬米）、小蘋果（Apple）及沛筠組成的「台灣金庸隊」。小希曾Cosplay扮女變態超人，頭笠內褲、全身以吊帶遮三點示人，來勢洶洶！雖然她屆時不會以「變態Look」到場，但一眾女星將穿起低胸古裝鬥晒事業線，明益宅男！

穿上古裝迎戰的Crz望以氣質吸引粉絲。

曾化身性感美少女的Ruby亦會加入戰團。

來自台灣的沛筠和「變態超人」小希將組成「金庸隊」。

面對同隊多位「有料之人」，不認輸的仙樂都表示潮流興均勻，暗寸袁嘉敏、Ruby及Vanessa肥，又大讚小希：「佢尺度好爆好大膽，如果佢咁嚟動漫節，我甘拜下風！」Crz則希望以氣質取勝，並表示被小希的作風嚇親：「嘩！我睇過佢嘅片，真係好爆！但我係歌手唔使搞成咁，要顧形象，畀佢贏都抵。」