性感女星王璐瑤（LuLu）今年退下火線，不屑跟老、嫩「（口靚）模」鬥出寫真，修讀金融、工商管理等課程自我增值，集中火力「轉型」從商做老闆。自言靠賣護膚品月賺六萬的她，坦言收入豐厚毋須搏命出寫真，更寸爆一眾（口靚）模悶爆冇新意：「連續十年喇！Angelababy、周秀娜都拍晒戲、上晒岸啦，到依家仲同呢啲人鬥？人要進步囉！」日前LuLu到影樓探望推出美妝造型寫真的「綠魔」許嘉浩，被對方取笑發福不少，LuLu即反駁：「師傅話我愈肥愈旺，依家主力打理美容店，所以都唔介意畀人話肥。」

王璐瑤性感上陣探「綠魔」許嘉浩，卻被取笑肥咗！