唐詩詠舊愛崔建邦昨日凌晨與現任女友食海鮮時飲大咗爆粗，詩詠則與洪永城（Tony）爆同居疑雲！昨日Tony與岑麗香和劉佩玥等拍攝新劇《實習天使》時，大玩泡泡足球，齊夾擊Tony令他不斷「碌地沙」。有指Tony向幕後員工透露唐詩詠在家中與外出時不一樣，疑似同居，岑麗香前晚以電話回覆：「冇聽過，冇講咁深入嘅嘢，可能佢覺得我同詩詠Friend啲啩！」香香昨日指拍劇以來未見過詩詠探班，至於有否見Tony成日陰陰嘴笑？她說：「佢成日都笑0架啦！佢個角色嚴肅啲睥住人，我哋就會忍唔住笑！」

最近搬了屋的洪永城，想請唐詩詠上門煮飯仔。

劉佩玥（左）與岑麗香趁拍攝空檔玩餐飽。

Tony亦否認傳聞：「我估計詩詠喺屋企嗰陣係溫柔體貼、賢良淑德、入得廚房、出得廳堂！」搬入西貢一個月的他，被問詩詠有否幫他執屋？他說：「冇，但有畀意見。（同你睇樓？）佢有睇相。（請佢做女主人？）慢慢嚟啦！佢最近鍾意煮嘢食，我有口福啦！（請佢上嚟煮？）係啦！都要0架啦！」

劉佩玥被問好友陳凱琳（Grace）與鄭嘉穎拍拖後，是否重色輕友？她表示大家忙於工作少見面。對於Grace專程到內地探嘉穎班，她說：「可能唔係淨係探佢呢！」吳若希則否認被指出道前在酒廊賣唱，又謂「咖喱」是初中的花名，況且16歲已簽公司，故不可能賣唱。