藝人張啟樂（Ben）與DJ Kawaii昨日擔任活動主持，提到Ben前日生日，他透露早前在台灣時有朋友為他舉行生日派對，非常驚喜：「有啲人係冇諗過佢會出現，好似潘裕文、廖文強（台灣歌手）咁，大家都好有心！」他又提到今年將圓歌手夢出單曲，生日願望是一切順利：「我唔諗賺錢o架喇，係希望大家唔好彈！」

Ben和Kawaii你一句，我一句，Friend過打Band！

而身為老闆兼好友的Kawaii則未有送上生日禮物，她笑言因為所有資金全用來支持Ben出碟：「不過咁啱有台灣鐘錶公司話送名錶畀佢，佢可以任揀自己鍾意嘅款，令我好羨慕！」之後Ben即踢爆Kawaii亦獲贈名錶：「本身我去揀錶，佢就美其名話陪我上去，咁人哋唔好意思，就順便畀佢揀一隻！」