彭懷安日前意外傷手要入院進行手術，「好友」朱慧敏連續兩天到醫院探望，看來依然十分緊張他，更將原本降為「生意夥伴」的關係「升呢」做「知己」。而彭懷安昨日終於出院，對於朱慧敏兩度探望感到十分窩心。

朱慧敏晨早到醫院探Eddie，睇嚟仲係好關心「愛郎」。

Eddie昨晨離開醫院時稱與朱慧敏是「知己」關係。

朱慧敏與彭懷安（Eddie）原打算明年初結婚，惟男方早前被拍得夜會女友人而令二人感情告急，朱慧敏更稱婚期需擱置，不過，日前彭懷安到其投資的餐廳工場監督月餅製作過程時意外摔倒，拳頭落地令右手骨折，需入院進行接駁手術和矯形，令朱慧敏大為吃驚，晨早撲去探「愛郎」，關係又起了微妙變化。

對生育問題有共識

昨晨約八時半，戴上口罩的朱慧敏到醫院探望，逗留約一小時才獨自離開，她說：「最初只知佢要全身麻醉做手術，唔知咩咁大件事，所以嚟探佢。」問到事件會否令她更珍惜對方，她強調大家感情一向很好，是生意拍檔、朋友和知己關係。對於傳他倆因生育問題而分手，她說：「報道莫名奇妙，大家都好喜歡小朋友，有共識。真係唔知生完小朋友會令患癌指數提高喎！」問到是否已原諒Eddie，她再澄清相信對方沒有對她不忠，認為用「偷食」字眼對他不公平：「結婚係唔會結住，希望大家用時間處理感情事。（復合？）感情嘅事好難講。」她又替Eddie否認是為情自殺：「咁大個人，傻（口架）咩！」

兩番探望好窩心

約十時半，Eddie在助手陪同下離開醫院，他透露朱慧敏連續兩天都有探望，令他十分窩心，問到有否藉此挽救感情，他說：「唔可以話挽救，係慰問。」至於要朱慧敏出入醫院探望，會否感到內疚？他說：「唔會嘅，佢應該都唔會咁諗，佢有事我都會一樣咁做。」又指有信心維繫這段感情。問到是否變回拍拖關係，他猶豫後說：「用知己啦！（情侶關係？）情侶呀？哈……用番知己、朋友同拍檔啦！但婚事要感情再好啲先。」