首執導演筒的任賢齊昨日到書展為電影做宣傳，提到「美心妹妹」Celine的寫真照引起各界激烈反應，為人父的小齊稱父母要負上責任：「我接受唔到，點解唔抽起啲相？小朋友應該係純真可愛，如果佢長大之後見番自己啲相會點呢？」而談到「美魔女」羅霖的寫真，跟對方老友鬼鬼的小齊說：「佢一路都好靚，一陣要走去買番本，唔知我睇嘅時候會咩心情。」

任賢齊談到Celine的寫真照引來回響，一臉嚴肅。

查小欣到書展舉行講座，分享新書。

另外，資深傳媒人查小欣在書展舉行講座，與書迷分享以其兒子成長為題的新書，談到Celine的寫真集風波，她說：「不如一切低調處理啦！最好令小朋友唔使面對不必要嘅壓力。」期間她透露正在讀大學的兒子早前萌生加入娛樂圈的念頭，她即時與兒子分析其潛能，「智退」其決定。