王晶執導的劇集《風雲天地》被壹傳媒針對，嬲到震的他昨日與吳鎮宇及楊千嬅等出席監製新片《寶貝當家》記者會時，拒絕該集團記者入內採訪，並揚言短期內也不會接受他們採訪其作品，包括拍攝中的《賭城風雲3》。文：影視組

王晶唔想再受傷害，決意謝絕壹傳媒採訪。

吳鎮宇和千嬅踎低同王詩齡合照，好Warm呀！

由「10億人民幣票房」王晶執導的《風雲天地》，近日遭壹傳媒旗下刊物先後指其劇情內地化、演員膠面和收視差等，王晶昨日下令新片《寶貝當家》記者會不歡迎該傳媒採訪，並事先分別以電郵及致電通知該傳媒不要派員採訪，但他們仍有派員到場，最後被公關要求離開。

出於自我保護

事後，王晶表示出於保護自己才有這個決定，並揚言不會給予機會再受傷害，問到是否往後也不會讓他們採訪？王晶說：「短期內都唔會，包括《賭城風雲3》。（主要嘅原因係乜嘢？）報紙都有寫啦！咁仲有其他刊物做咗啲好人身攻擊嘅嘢，既然佢哋用唔適當嘅方法傷害我，咁點解仲要畀更多機會你去傷害我。（係咪無限期？）要睇人哋表現，TVB唔接受佢哋採訪都冇執笠啦！」

而戲中一人分飾兩角的吳鎮宇透露監製只給他一份人工，由於股市波動，惟有袋住先，問到是否很多股票揸手？身為「明燈」的他笑說：「驚自己忍唔住買，一買就會冧，連黃子華都跪求我叫我唔好買！我比師奶更師奶，不過呢排冇買，都唔知部股票機去咗邊，但以前留喺度嗰啲就有升番，亦原來有啲幾低價都冇人接，都係買樓好啲！」

鎮宇「豪宅」學MJ

鎮宇又指戲中的大宅乃以已故天王Michael Jackson （MJ）故居為藍本，屋內有旋轉木馬及噴水池，樓梯則參照五星級酒店搭建。

而千嬅大讚童星王詩齡比想像中聰明：「今次畀我體會到點可以同個女溝通，有個女會點，都幾好，可以同佢似朋友咁傾偈，又可以打扮成公主。」