翠翠戴后冠出嫁牛仔舞娛賓

前港姐冠軍葉翠翠前晚與建築師男友周曉東（Raymond）舉行婚宴，她在台上分享表示去年母親病逝，遺憾媽咪未能見證她出嫁，亦指Raymond有父親影子陪在身邊，但她未見聲淚俱下，反而一班姊妹和賓客在新人發表感言時感觸落淚，司儀何傲芝更當場喊爆，但她否認：「翟威廉好誇張囉，見到我少少眼濕濕，就話我爆喊！」

老公被嘲似機械人

翠翠除穿性感低胸婚紗外，更戴上2005年當選港姐冠軍的后冠出嫁，她昨日接受電話訪問時說：「除咗因為係當選十年外，自己又踏入人生另一階段，都想戴番咁隆重嘅后冠，真係好有代表性，可能喺公開場合分分鐘就得呢一次，冇理由將來嫁女自己戴，係都畀個女戴啦！」她亦打算將后冠列為傳家之寶，讓子女世代相傳。

婚宴上，翠翠除與老公Raymond合唱情歌《勇氣》外，又大跳牛仔舞娛賓，她更笑言爸爸揶揄老公舞功生硬：「爸爸話Raymond跳到好似個機械人咁，搞到我都笑咗！不過我知佢其實都好畀心機去練！」姊妹李思雅更大爆一對新人在後台不斷練習似做台慶。但翠翠透露曾一度在練習時大感疼痛，疑似骨裂：「真係痛得好犀利，諗住去照X光，但到最後因為太忙都係冇照到。」

「師妹」張名雅恨嫁

此外，同為港姐冠軍的師妹張名雅將一對新人進場的相片放上Instagram，並流露恨嫁的心：「幾時到我結婚？但我拖都未拍！I am still single！點算？有冇好男仔介紹我識？」之後上傳與陳凱琳、劉佩玥及龔嘉欣等的合照，又問：「Who is next to get married here?」她接受電話訪問時指婚禮最感動的是翠翠在台上感謝老公的說話，問到她是否恨嫁？她笑說：「身邊朋友都結晒婚，但我仲拖都冇得拍！」而同為婚宴座上客的陳自瑤，亦祝福翠翠白頭到老。