經過連日密集式特訓，一眾候選港姐難得有空檔，前晚結伴品嘗美食，放下淑女形象大吃大喝自我慰勞，飽餐後昨日即拉隊到台場練歌，熱門龐卓欣的唱功得到「紅白」監製大讚！文：影視組　攝：鄭家俊日本傳真

麥明詩（左）和宿敵龐卓欣在東京鐵塔下大騷長腿。

吳佩欣（左起）、龐卓欣和郭嘉文齊擦鰻魚飯及湯麵。

吳佩欣（左起）、龐卓欣和郭嘉文齊擦鰻魚飯及湯麵。

郭嘉文

無綫12位準港姐前晚趁有少許空檔四出「覓食」，顯得十分雀躍！1號麥明詩聯同5號林凱恩及12號朱嘉莉放肆大歎豬扒飯及雪糕，其宿敵4號龐卓欣則與9號郭嘉文夾份食鰻魚飯、牛肉及湯麵，7號吳佩欣沒有等齊人，即以狂風掃落葉姿態食晒一碗湯麵！問到會否怕肥？麥明詩自信滿滿的說：「唔怕肥，離總決賽仲有好長時間。」龐卓欣亦說：「喺日本好忙好辛苦，要食番啲嘢慰勞吓自己。」

獲紅白監製大讚

而無綫昨日安排的行程主要集中在台場，佳麗先到NHK電視台錄影廠，在《紅白歌唱比賽》監製山田良介監督下進行歌唱及表演特訓，當中以麥明詩、龐卓欣及郭嘉文表現最好，反觀11號楊苡汶五音不全，而吳佩欣則因為過於緊張，唱到尾段時突然「煞停」﹗

東京鐵塔留倩影

龐卓欣獲讚後開心地說：「都有啲緊張，好彩唱中文歌，監製話我唱得幾好。」麥明詩則謙稱：「唱歌唔係最叻，我細個試過表演唱歌失準，所以有童年陰影，頭先都有啲緊張。」及後，一眾佳麗往東京灣彩虹橋及東京鐵塔留影，順道欣賞當地景色。