「牛雜妹」李美琪（Monnie）凡事都親力親為，想不到她原來是個廚藝高手！閒時除了煮番幾味外，喜愛整甜品的她，原來都喜愛買食譜回家研究，她說：「之前喺英國讀書，我成日都會行書店買食譜，唔同菜式，我見得意就會買，儲儲埋埋就有好多，不過自己都鍾意整甜品多啲，喺英國讀書就會成日整，選港姐之後就冇時間整喇！」

Monnie買食譜慢慢研究，愈買愈多。

Monnie有不少整甜品的工具，笑言只是冰山一角！

Monnie唔只整牛雜叻，連整甜品都有一手！

自言拿手整甜品的Monnie，買買埋埋的工具及食譜甚多，她自言拿出來的只是冰山一角：「買吓買吓就好多，有啲都唔知放咗喺邊，所以常用都擺晒喺度。（平時最叻整咩蛋糕？）藍莓芝士餅、朱古力蛋糕。」問到日後有小朋友，會否將食譜一代傳一代？她說：「都好喎！不過其實我自細就想開餐廳，所以先會成日買食譜。」