無綫花旦葉翠翠將於今日出嫁，昨日一反傳統與準老公入住酒店，齊齊進行上頭儀式，期間笑料百出！翠翠透露婚禮上將會性感示人，更會與老公表演牛仔舞娛賓！文：影視組

葉翠翠與Raymond互餵湯圓，睇佢個樣就知有幾甜！

葉翠翠一反婚前一晚不見面的傳統，與男友於酒店齊齊對住海景上頭。

葉翠翠今日將與圈外男友Raymond於四季酒店擺婚宴，筵開三十多席宴請親友。翠翠昨日於微博上載一張與Raymond的結婚相並謂：「明天我要嫁給你啦……」心情似乎相當期待。昨晚，翠翠一反「新郎新娘不准見面」的傳統，與Raymond已入住酒店，並由家人為兩人進行傳統上頭儀式，期間又互餵湯圓，相當甜蜜溫馨。

緊張到瞓唔着

不過，翠翠笑言Raymond梳頭時笑料百出：「佢梳頭時都好搞笑，因為佢屋企人係上海人，唔慣呢啲習俗，點知第一次唔見咗把梳，跟住又唔記得插蠟燭，然後又唔記得裝啲湯圓，淨係講一梳梳到尾都講咗多次！」問到現時心情，她表示不太緊張，相反Raymond則有點緊張：「我諗佢今晚都瞓唔着！」

跳牛仔舞娛賓

另外，翠翠透露姊妹團會有吳若希、何傲芝、李思雅與沈卓盈，姊妹裙全是訂造，至於身為主角的她當然要最美艷動人，預先講明以性感示人！問到婚宴上有甚麼驚喜給來賓時，翠翠說：「我哋會一齊跳牛仔舞，都練咗幾個月，希望到時跳得好啦！」