今期《東網Baby》「夏日心動」系列女主角樂基兒宣布將基地撤回香港，強勢回歸後一口氣接下十多個Job，近日還殺入電視圈，首次遠赴意大利擔任旅遊節目主持，努力工作只為夢想中的背山面海Dream House！文：Ada Lam

比堅尼上陣的樂基兒出水芙蓉，夏日透心涼！

樂基兒熱愛滑水，希望將來能在海邊置業。

新一期《好報》有樂基兒的激罕水着靚相，唔睇就走寶！

攝：吳文聰、倪立煌

名模樂基兒（Gaile）破天荒為《好報》拍攝超索水着靚相，成為今期《東網Baby》「夏日心動」系列女主角！與黎明離婚三年的Gaile今年「回流」返港，短短兩個月密密出席逾十個活動，估計淨袋百萬！

赴意大利做工人

不少模特兒近年愛踩過界，Gaile亦不例外，今年首次踏足主持行列，她雀躍地說：「下星期會去意大利，同時裝設計師William（鄧達智）一齊幫nowTV拍攝一個全新旅遊節目，係我第一次去意大利兼第一次做嘉賓主持，所以好興奮同期待！」

今次節目將於米蘭拍攝，Gaile化身客席小工人：「我要去打工，體驗啲牌子嘅製作過程，會去參觀佢哋嘅工廠、又會去酒莊同農場，仲會當學徒試吓落手做，做完佢哋會送番一樣佢哋最新嘅產品畀我當係人工。」

心郁郁買海景樓

Gaile工作全力以赴，努力背後其實跟普羅大眾一樣，想為家人置安樂窩，她說：「我妹妹讀完書畢業，佢下個月會嚟香港，想試吓香港嘅生活，所以如果佢鍾意又適應，都會喺度買樓！（有冇心水樓？）我鍾意海，最好住近海邊或者可以背山面海，住郊區啲。（近海好貴喎！）所以就要畀心機工作啦！第時老咗我都諗住搬去海邊，日日滑水，哈哈！」以Gaile的吸金力，要買背山面海的千萬樓房，絕無難度！