張智霖（Chilam）昨晚以「保良親善大使」身份出席保良局舉辦的慈善晚會，李連杰、呂良偉夫婦、甄子丹、蔡加讚夫婦、趙雅芝及黃錦燊等均有出席。Chilam透露將會放假兩星期，一家大細到美國玩樂，還會帶兒子魔童揸飛機衝上雲霄：「佢第一次去美國，帶佢見識同感受當地現場氣氛。（考慮畀佢去外地升學？）都有呢個諗法，因為佢讀國際學校，比較美式，好嚮往當地。」他又指今日才帶兒子到北京：「去長城，其實係接佢媽咪（袁詠儀）返嚟，佢喺當地拍電視劇拍咗70日，凱旋回歸嘛！」

Chilam表示將會一家大細到美國玩樂，屆時會帶兒子揸飛機。

吳千語透露男友林峯傷腳已好了八成。

甄子丹（左起）、汪圓圓、蔡李惠莉和蔡加讚齊齊赴會。

同場的吳千語對於男友林峯早前在橫店拍電視劇不慎弄傷腳，她指已好了八成：「不過好易觸及舊患，所以醫生建議唔好做咁多運動。」

她又透露雖然男友已回港，但未有時間相聚：「佢要忙住新碟。」她表示稍後會拍電影《賞金獵人》到韓國取景：「但當地疫情都幾嚴重，製片要再決定在韓國定其他地方拍。（如果決定韓國呢？）都要去，因為簽咗約，都會小心啲。」