羅霖懶理被寸老冇得輸！
經過一輪寫真「前哨戰」鬥噱頭後，聲勢最強勁的莫過於50歲「美魔女」羅霖，作為三子之母的她殺入書展，穿三點式為處女寫真大晒保養得宜的噴血身材，更惹來大批後生模妒忌，被寸年紀大成為「公敵」，四面受敵的她卻氣定神閒自詡身材不比任何一位模輸蝕：「我只有兩套Bikini，班模係要Noise而我唔係！」
以比堅尼迎戰的羅霖無懼與一眾後生女比較，推出寫真只為追求目標。
作為三子之母的羅霖推出處女寫真引來勁大回響。
羅霖
每年一度的書展將於本月15日開鑼，意味着一眾女星模的寫真廝殺即將上演！而備受全城注目的有事隔24年再度大解放的羅霖（Candy）！年齡半百的她有「美魔女」之封號，今次為拍處女寫真《Timeless》豁出去，以比堅尼上陣大騷弗到漏的身材及凍齡外貌，惹來一眾後生對手妒忌，旋即成為模「公敵」！
「班o靚模要Noise」
Candy接受本報訪問時指不介意被o靚模寸年紀大，更表示其寫真男女老幼皆宜：「本寫真嘅製作班底都好有知名度，仲有韓星客串！我仲會用本寫真做善事，諗唔到有乜可以將我同佢哋比較，冇嘢想同佢哋爭，我有心出一早就出咗啦！」她強調寫真並非以性感為主，而是想大眾認識全方位的她：「我只有兩套Bikini，班模係要Noise而我唔係！」
Candy表示推出寫真引起很大回響，身邊朋友都讚她Keep得極Fit：「我作為3個仔嘅媽媽，今次出寫真係追求自己目標，想Show正能量畀同我同年紀嘅女性，我覺得以咁嘅年紀可以維持到呢個身材一啲都唔輸蝕畀任何人，我亦成日搵自己做榜樣去鼓勵朋友，又同佢哋分享護膚同Keep Fit心得。」其寫真未開售已封蝕本門，更因超額認購而要加印，她坦言這本寫真是為她圓夢：「我係對自己要求好高，只會同自己比較而唔會同其他人比！」
要求高成本更高
早前Candy曾表示《Timeless》是她的最後一本寫真，問到其決心會否被今次的熱烈反應動搖時，她說：「身邊好多人叫我再出，但我都未有動搖！我對寫真要求好高，無論揀衫、排相以至相紙質地我都好講究，變相成本好高，唔係個個都肯幫我出。而且出得寫真都唔會賺得多錢，依家有賺已經好好！」
