歌手梁漢文將於下月在紅館舉行《梁漢文紅館中場表演2015》，他透露會聽老婆話，挑戰在紅館跳降落傘：「係之前太太提出，其實都幾難做到，但佢講咗出嚟我哋就開始諗做唔做到呢？或者會做啲類似嘅嘢。」談到高空表演風險高，梁漢文稱會安全至上：「做呢啲之前要盡量檢查好，有時意外嘅嘢真係好難講，呢啲公司都會幫我買定保險。」

梁漢文開騷挑戰高難度，揚言安全至上。

梁漢文談到今次開騷會請來蘇永康、任賢齊和黃家強組成的「男人幫」做嘉賓：「今年同阿公簽咗小齊間公司，年頭一齊喺雲頂開騷，個反應好好，四個唔同風格擦出咗新火花，但就一直未有平台再合作，遲啲都會有機會一齊有啲嘢搞。」