李治廷與容祖兒、陳妍希等忙於拍攝內地真人騷《報告！教練》，劇組安排NBA球星林書豪擔任籃球教練，跟眾星落場切磋，李治廷興奮地說：「真係好開心！（同佢較量？）冇得同呢位籃球巨星較量，不過我哋好夾。」

李治廷大騷肌肉，好型呀！

李治廷與祖兒玩作一團，看來好Friend呀！

李治廷、林書豪、陳妍希和容祖兒等參加真人騷，大晒運動天分。

李治廷大讚女神陳妍希及天后容祖兒：「妍希對每項運動都好認真，有次我衰多口話練得唔夠『啃』，劇組安排我哋喺沙灘練羽毛球，我做開運動都覺得好甘，佢應該好辛苦，但佢好堅持。」他又發現祖兒可愛的一面：「原來佢咁玩得，又鍾意笑，睇得出佢有練開，每項都好架勢、好似有股氣場咁。」問到喜歡哪類女生？他認為要看緣分、感覺，對感情事暫不多想。