自認多愁善感的王菀之（Ivana）最近獲邀為新片《玩轉腦朋友》配音。電影講述主人翁腦內存在多種情緒，負責演繹「愁」的Ivana笑說：「幾配合我本身性格，好容易情緒低落。有時我仲會扭同事同經理人計，話做到咁攰可唔可以放吓假？」Ivana又自爆間中會向男友扭計：「有次我諗唔到解決方法，瞓咗喺地下兩粒鐘唔郁，直至佢半扶半抱起我，我即刻成個冧番晒。」談到千挑萬選才揀啱的另一半，Ivana眉宇間散發幸福：「佢有大師風格，唔係好出聲但腦內好豐富，大家默契十足。（婚期？）成日都有諗吓，諗諗吓第二時咪有機會變真囉！但未有決定。」

Ivana自覺似足《玩》片中的角色「愁」。