曾推出三本寫真的性感女星「仙樂都」吳堯堯，今年轉做才女出文字書，分享入行逾十年的奇聞，原本書中收錄多張火辣照片加強可觀度，但經討論後，她決定忍痛抽走相片，以免再「被混入」模堆。

擁D Cup上圍的仙樂都穿上性感小背心，相當誘人！

新書抽起仙樂都的「床照」，非常可惜。

仙樂都的新書設計收起性感，務求搣甩o靚模形象。

外號「仙樂都」的性感女星吳堯堯（YoYo）入行不經不覺已逾十年，最初幾年她只是寂寂無聞的小Model，見盡模界人情冷暖，到近年人氣急升，連出三年寫真又拍攝微電影，獲大批Fans支持，經歷起跌，難怪有書商邀請她寫書分享「模界血淚史」，並在書展推出。

教師妹行規

對於今年轉型做才女，YoYo表示主要想分享入行遇過的光怪陸離趣事及向模界師妹教路，她說：「唔想再重複自己，之前都做過本寫真係好靚，如果Fans想再睇，買番我本珍藏本已經夠，今年本書頭一部分講我入行以嚟見過嘅奇人奇事、喜怒哀樂，第二部分就叫『我要做o靚模』，身邊成日有好多妹妹仔問我行規同要注意嘅嘢，我就喺度分享心得，例如拍戲嘅時候，女仔係唔坐得裝住鏡頭嘅箱，因為唔吉利，如果部戲唔收得，大家都會鬧個女仔帶嚟霉運。」

新書Sell清新

為加強可觀度，原本YoYo為新書拍下多張內衣照騷D Cup澎湃身材，但與公司商量後，臨印書前決定忍痛抽起相片，避免屆時與其他o靚模寫真混為一談，因此留低在書中的相片會比較清新健康，而本報率先獲得該批性感相片，讓讀者先睹為快，YoYo大晒熟女魅力及強勁身材，未有收錄在書中可謂相當可惜。