前港姐蔡思貝早前穿短褲出席商場足球活動，大晒誘人長腿，更即席施展「腿功」，自認活潑好動的她向《ontv東網電視》自爆平日睇波多過落場踢波，有時亦會半夜起床陪爸爸睇波。

穿短褲的蔡思貝大晒長腿。

對於新一輪港姐競選聲勢浩大，不少出局佳麗更透過媒體發聲，身為前港姐的思貝不覺得她們別有用心，她說 ：「佢哋表達立場啫，參加時一心一意去選，落選咗自然唔開心。（入圍前有保密協議？）我嗰時冇喎。（選港姐需要後台？）喺我嘅角度，我後台係『零』，爸爸係公務員，媽咪係家庭主婦。」對「黑幕」之說並不知情的她說：「呢啲係佢哋個人意見，慶幸我嗰時冇呢啲，所以我哋嗰屆係好融洽、好開心。」