女星蔚雨芯日前接受東網電視《娛樂onShow》訪問，大爆「情史」，緋聞男友逐個數！她又分享被封「魔鬼胸」的因由，卻拒絕再拍攝性感寫真解放「魔鬼胸」：「影過一次，唔鍾意再做同樣嘅事。」

封胸的Rainky坦言不會再拍性感寫真。

Rainky受訪時講解「魔鬼胸」由來。

郭富城

Rainky（右）接受Sherman訪問時澄清與城城的緋聞。

日前「魔鬼胸」蔚雨芯（Rainky）擔任東網電視《娛樂onShow》嘉賓，接受主持李文珊（Sherman）訪問。她即澄清與郭富城的緋聞，高呼只想做「城妹」而非「城嫂」：「我叫城城做偶像，同佢係同一位排舞老師（Sunny Wong），自自然然就認識咗。我都好感激佢教我做戲，又成日畀意見我。」

感情唔只睇靚仔

她又表示與型男何浩文（Dominic）完全冇發展機會：「同佢真係冇可能！只係大家一齊拍《微交少女》而識咗，之後一齊行傢俬舖畀人影到，感情呢啲唔可以只睇佢大隻同靚仔嘅！」

問到「魔鬼胸」這個封號的由來，Rainky笑說：「唔係我自己改o架！因為我出道時拍咗一個J2旅遊節目叫做《去吧！墨西哥》我着住Bikini同一條魔鬼魚一齊游水，就畀人Cap咗圖，之後雜誌登出嚟嗰時就幫我改咗呢個名。」

不會再拍性感照

雖然Rainky初出道時拒絕行性感，其後卻一反常態，19歲時拍了一本性感寫真，大騷名副其實的魔鬼身材，她坦言想為自己留倩影，又謂不會再拍攝：「拍嘅時候唔尷尬，因為泰國咁熱個個都超性感。而我亦唔係真係半裸，有做足預防措施，當時有助手喺度，再加一位攝影師，想影得靚就唔可以尷尬。至於會唔會再影？我就比較唔鍾意做同樣嘅事。」想知Rainky自爆更多私生活，記住留意東網電視《娛樂onShow》喇！