有緣做兩夫妻是福分，在《東網巨星》的「巨星最愛：我的另一半」篇，李亞男、劉倩婷、鄭中基與盧巧音紛紛細訴對另一半的感情，當中亞男更高呼：「世上最好就係我老公（王祖藍）！」

李亞男

祖藍與亞男出名恩愛，肉麻程度爆燈！

劉倩婷

盧巧音

鄭中基

圈中有不少模範夫妻，他們的共通點就是錫晒另一半，在《東網巨星》的「巨星最愛」系列中，群星毫不保留地向另一半高呼：「你，就是我的最愛！」聽到都冧爆！

與王祖藍還算新婚狀態的李亞男說：「我最愛嘅梗係我老公，你哋都知係邊個，咪就係王生（王祖藍）囉！點解係佢？因為佢揀咗我，好錫我，又好錫屋企人同朋友，為家庭付出咗好多，工作又好搏！世上最好就係我老公，我以老公為榮！」

李丞責劉倩婷夜夜談情

劉倩婷亦大讚老公李丞責如母親一般愛護她，令她非常感動：「除咗媽咪，依家人生多個最愛，就係老公丞責！佢好似媽咪一樣愛護我，教我待人處事，又遷就我，就算幾忙、幾都好，佢每晚都會陪我睇電影，堅持每日都要有屋企人時間，覺得屋企人非常重要！佢希望我每日都感受到家庭溫暖，即使好都陪我，呢個堅持令我好感動！」

至於盧巧音向來Rock爆，原來最愛亦是老公，她說：「最愛當然係我老公啦！因為佢畀我早過佢瞓，有啲太太要等埋老公返嚟先可以瞓，但我唔等佢就瞓，幾幸福！」鄭中基與太太余思敏結婚後修心養性，他亦高呼：「我最愛梗係老婆啦！佢幫我生咗一對小朋友！」