陳豪前晚與呂慧儀到金鐘拍攝無綫新劇《潮流教主》，冇時間陪兒子的陳豪說：「想帶囝囝去游水同去主題公園，但時間唔夾，收工返去瞓晒覺，有時早收工會玩一陣，但我話：『爸爸要瞓覺』，大仔不捨嘅眼神令我好心痛！（大仔返Playgroup，明星家長有着數？）我以為有，其實冇，咁都公平，佢哋讀幼稚園，中一面試家長仲緊張，我有排擔心！等佢哋大個唔排除送去外國讀書。（細仔終於改命陳浩鋒？）我幫手改，係我改到古裝名、皇帝名咁！」

穿上近四吋高踭鞋的呂慧儀指兒子連發三聲「爸」字：「人哋話叫邊個先，邊個就辛苦啲，我好開心！問老公話聽唔到，下次我拍片佢睇。我依家都有講古仔畀佢聽，好想追多個女，但冇時間表，一切順其自然！」