關淑怡(Shirley)前日在網上大呻在工作上受到不公平對待,更氣憤被朋友一次又一次背叛。昨日一位自稱Shirley舅父黃汝權主動致電本報:「我戥外甥女唔抵,為自己利益夠膽出賣朋友,蝦到佢上面,佢獨力養大個兒咁偉大,點解要搞到佢思想波動,想出來唱又唔得,我都會查吓邊個蝦佢。」舅父又力撐淑怡:「淑怡性格自閉,唔鍾意聽電話,到今日佢都唔肯講個仔老竇係邊個,連佢阿媽逼佢都冇用,佢思想好波動,曾經講過跳樓、自殺,好擔心佢做傻事丟低個仔,邊個理?(你有冇聯絡佢?)今日唔好騷擾佢,佢未夠穩定,刺激佢更加麻煩。」他又想過找曾志偉、譚詠麟開解淑怡,希望大家給她鼓勵。

關淑怡在網上呻被朋友背叛,「舅父」為她抱不平。