一眾無綫新劇《EU超時任務》演員朱千雪、王浩信、袁偉豪及朱晨麗等前晚到尖沙咀出席煞科宴，席間劇組送上蛋糕補祝上月28日生日的朱千雪。

《超》劇演員送上蛋糕慶生，氹得朱千雪勁冧！

許願時朱千雪更大賣口乖：「希望個劇收視好！」《超》劇的主角可謂搏到盡，惟拍攝時曾刮傷的朱千雪卻未被動作片嚇怕：「我想打！監製仲話可以開套武俠劇畀我打，我都希望多啲機會。」又自薦為新劇處女開腔唱主題曲。

其實兩位男主角王浩信及袁偉豪亦叫苦連連，當中王浩信更聲稱是入行以來最「甘」的一次，被打、爛面及被淋紅油之餘，更數度除剩底褲周街跑：「記得有次喺廠，當時有30個女臨時演員望住，好尷尬！」

而偉豪大爆劇組煞科前曾連開五日通宵，亦曾在火場中扮暈，瞓地焗住「唔郁得」！