巨聲2幫的吳業坤向來友善親和，原來亦有火爆一面！前晚他和巨聲好友羅孝勇到旺角勝利道一間餐廳用膳時遭侍應不禮貌對待兼粗口問候，嬲得他要在社交網上發表長文「鬧爆」！

本來想開開心心食餐飯的吳業坤，卻被餐廳侍應不禮貌對待，真係佛都有火！

與吳業坤同行的羅孝勇，未知又有何感想呢？

於2010年憑《超級巨聲2》出道的吳業坤向來溫文有禮，但外表斯文並不代表「好恰」，前晚他突然在Instagram發表長文，透露剛和老友羅孝勇（Sheldon）到旺角一家馳名食雞飯的餐廳用膳時，因店員出錯反遭不禮貌對待，點了雞髀飯後更被男侍應當眾以粗口問候：「過咗陣阿姐就拎碟飯嚟，我哋冇為意係髀定乜就食。食到一半，有位哥哥爆粗：『呢碟唔係髀嚟o架喎！X你XX，唔係就咪攞啦。』」

網友勸息怒

無辜被鬧個狗血淋頭的他倆仍未知何解被「問候」時，另一女侍應即加入戰團，令他氣上心頭：「當個阿姐都講：『唔係就咪拎啦！』我都火埋，你拎畀我o架！大佬！斬到一件件去晒骨點知係髀定咩呀？依家我加咗十蚊要隻髀都冇出聲啦！仲要講粗口鬧我？！我望住其中一個店員佢對唔住都冇講，你哋唔好講係咩文化，我嚟食飯唔係要畀你侮辱嘅，好嬲呀！！！！！！救命呀！！！」一班網友見到他如此火滾，紛紛留言叫他冷靜和息怒。

個心唔舒服

事後吳業坤接受電話訪問時稱當時男女侍應都相當「躁底」，故被罵時大感屈辱，但又有感即使開聲反擊亦無補於事，其後怒不可遏即時埋單走人：「無啦啦畀人鬧個心梗係唔舒服，我又冇做錯嘢！」他又指在網上發文只是情緒發洩，沒有公開餐廳名字就是不想網民公審。