今屆12位港姐候選佳麗中不乏高學歷分子,(7)吳佩欣(Sylvia)亦是其中之一,自言剛大學畢業的她透露讀書時主修分子生物學,問到為何參選港姐?她自言興趣多多:「想擴闊自己眼界同鍛煉吓自己,仲學吓面對壓力。」問到在社交網站晒泳衣相,是否對身材充滿信心?她說:「都係兩張啫!之前出海影嘅。」至於(10)「翻版朱晨麗」陳靜儀(Kristi)早前無辜捲入不雅短片風波,她談及此事時仍坦言有點不開心:「當時都好驚訝點解會話係我,好彩報道都同我澄清咗。(有冇壓力大到喊?)咁又冇,朋友都知唔係我嚟。」

吳佩欣大學畢業即參選,希望擴闊視野。

陳靜儀捲入不雅短片風波,講起個心仲有條刺。