（4）龐卓欣谷口財撼（1）麥明詩
《2015香港小姐競選》12位佳麗昨日出爐，兩位熱門「十優狀元」麥明詩與「寸嘴Ada」龐卓欣原來小學同校開始鬥到選港姐。已辭工的龐卓欣坦言獲父親經濟支持，龐父受訪時亦坦言無上限及要為愛女訓練口才，父女聯手對抗宿敵麥明詩。
熱門之一的麥明詩指初次面試彈出後壓力大至失眠。
龐卓欣辭工選港姐，幸好有富爸爸無上限支持扮到最靚！
麥明詩（左）與龐卓欣由小學、中學鬥到選港姐，宿命難違！
（11）楊苡汶（23歲）
（9）郭嘉文（23歲）
經過三輪面試後，今屆港姐選出最後12強佳麗，昨日首晤傳媒，早前打入16強的麥浣婷、劉聖雪、羅嘉宜與鄭敬思被淘汰出局。兩位熱門人選「十優狀元」（1）麥明詩（Louisa）與（4）「寸嘴Ada」龐卓欣狀態大勇，言談大方又淡定，可謂平分秋色，席上更爆出兩人原來由小學鬥到選港姐！
初期壓力大到失眠
被問到龐卓欣是否最大勁敵，Louisa說：「依家未知邊個係最有競爭力，大家背景比較相似令人比較，我哋小學、中學係同校。（唔熟？）最好朋友喺高中年代相識，但佢中四去咗外國讀書，青春期冇一齊共度，性格上、背景會有啲唔同。（大熱不受佳麗歡迎？）可能佢哋怕上鏡，會連累咗佢哋。」她又不認同龐卓欣是「寸嘴」，可能學校比較出名及獨立而已。問到貴為十優狀元為何參與港姐？她表示想擴闊視野，還承認初期壓力大到失眠，兼每朝起身擔心有自己新聞爆出，又怕大熱倒灶。
至於龐卓欣坦言與Louisa「依家開始Friend」，以前只是同校同學，關係不是特別Close：「見到佢參選都有話：『竟然你喺度呀？』不過開心有個伴。（又鬥過？）互相支持。」龐卓欣承認曾在一間以大隻男模作招徠的時裝店任職助理店長，更承認喜歡大隻男而任職：「嗰啲17、18歲模特兒好錫我，我都好錫佢哋，我辭咗職都好唔捨得，今次參選男友都好支持我。」辭職參選的她又透露，現階段獲任職東驥資產管理董事總經理的父親龐寶林經濟上支持。
赴日參演當地節目
其後，記者致電龐寶林，他表示不知女兒正式入圍：「梗係好，有進步。（經濟上支持佢？）係o架！可能服裝上，佢想買乜都經濟無上限支持，以前佢啲服裝都貴過啲學費！（麥明詩係勁敵？）本來大家發展方向不同，Ada（龐卓欣）小學畢業喺禮台上用英文對白做女主角表演，而Louisa就讀書叻，佢讀法律講溝通技巧一定好，一定係勁敵，我要同阿女訓練口才。」
另外，港姐大會統籌經理余詠珊讚今年港姐學歷高，又指佳麗稍後會到日本取景：「Book咗好專業嘅排舞師、好Top嘅化妝師嚟Train佢哋。」還希望屆時能安排12位佳麗參與當地電視節目錄影，讓日本嘉賓過目兼評分：「雖然唔會計落最後個分度，但今次都係全民投票，相信會影響到觀眾嘅睇法。」
麥明詩（Louisa）
年齡：23
身高：1米64
體重：99.8磅
學歷：英國劍橋大學法律系 （在學中）
龐卓欣（Ada）
年齡：23
身高：1米64
體重：101.4磅
學歷：曼哈頓音樂學院畢業
