正和模特兒莊端兒熱戀中的張致恒（Steven），昨日電話受訪時被問到女友性感行泳衣騷，他欲言又止的說：「佢嘅工作，我唔會干涉，不過講真，邊有男人鍾意女友畀人睇晒㗎！樣靚咪得囉！唔使騷晒身材出嚟嘅。」他坦言曾要求將女友「私有化」，並向莊端兒表明：「我養佢，唔使佢再出嚟做嘢。」不過女友仍事業心重，婉拒他的好意並提議大家努力工作。問到女友今次所穿的泳衣可要讓他先過目？Steven說：「我又唔係佢老竇、老公，點到我管？不過我尊重佢嘅工作，佢好專業。」

林師傑叮囑女友歐陽巧瑩行騷前做足防走光措施。

杜汶澤：有潛質

而歐陽巧瑩男友林師傑表示事前有與女友跑步收身，對於女友一身古銅色肌膚，他說：「正囉！我鍾意運動型女仔，夠健康。事後佢都有傳啲相畀我睇。（其他女仔都好身材？）其他女仔是但啦！呢啲冇得比較，自己鍾意就得，佢阿媽生得佢咁好身形。不過事前都擔心佢走光，叫佢做足安全措施。」

而發掘陳意嵐當明星的「伯樂」杜汶澤則說：「我當佢契女咁嘞！佢騷43吋長腿行騷好好吖，腿長又似阿嬌（鍾欣潼）！直頭係『長腳嬌』。呢個年代，我又唔擔心性感會被定型，因為覺得佢好有潛質，可以大膽嘗試唔同類型工作，希望佢多啲工作和電影拍攝。」