歐陽巧瑩陳意嵐大C殺莊端兒Easy win

夏天到，女星水着現身派冰淇淋！莊端兒（Xenia）、歐陽巧瑩（Tammy）及陳意嵐昨日為其處女泳衣騷「胸」群而出，Tammy與陳意嵐兩個「大C Cup」谷行「咪咪」，齊齊夾擊「E奶」Xenia，惟Xenia E Cup身材太震撼，令「Double C」齊齊輸「波」！

莊端兒處女行騷，大晒長腿。

歐陽巧瑩表示行騷前節食，誓要將最Fit身材展露人前。

擁有「Big」爆身材的莊端兒，成功凸圍而出！

陳意嵐谷行C Cup「咪咪」，大派冰淇淋！

一田百貨舉行的《YATA Dolly Summer 2015泳衣騷》，吸引大批巿民圍觀。

莊端兒、歐陽巧瑩及混血影壇新人陳意嵐，昨日於荃灣廣場出席一田百貨《YATA Dolly Summer 2015泳衣騷》，將「Big」爆身材大解放！兩位C Cup身材的Tammy與陳意嵐原以為要「峰」得「峰」，要「乳」得「乳」，惟Xenia的「E奶」極「胸猛」，令「E」「C」大戰增添火藥味！

率先出場的Tammy曬得一身健康古銅色肌膚，穿上Shocking Pink泳衣後，將其34C激凸上圍表露無遺！大騷三吋事業線的她，配合白色闊邊帽及白色涼鞋，由頭襯到落腳，大派冰淇淋！

手臂疤痕打針所致

緊接登場的陳意嵐雖然擁有32C上圍，但平口泳衣將事業線密冚，加上首次行騷的她顯得硬晒軚，即使大晒43吋長腿也難以擊敗Tammy！壓軸亮相的Xenia雖然已有男友張致恒（Steven），惟毫不吝嗇盡騷32E的跌蕩上圍，成功凸圍而出！Tammy與陳意嵐就算谷行C Cup上圍夾擊，依然不敵Xenia的E Cup導彈！

今次爆乳出騷的Xenia甚為專業，原來她是處女行泳衣騷，更表示滿意酬勞。問到Steven會否介意她性感示人？她稱男友不會干涉其工作。談到左手手臂上的疤痕時，她謂是小時候打針後留下，曾先後用彩光及肉毒桿菌消除，惟反令疤痕愈變愈大！對於早前被指與男友涉及撞車，她指事發當日警方已介入調查，亦證實她沒有撞到對方座駕，惟對方將片段及其車牌公開，令她備受困擾：「去食飯泊車嗰陣都畀人話我撞花人哋架車。」言談間更講到眼濕濕，並謂若對方再將影片傳開，或會發律師信！

事前節食Keep Fit

至於同樣首次行泳衣騷的Tammy，雖然自言有人群恐懼症，惟可能她參選港姐期間訓練有素，所以十分淡定。問到她有否谷胸抗衡32E的Xenia，她表示有諗過：「我都有諗過谷，但好怪，我平時都有去曬太陽，如果去曬太陽都谷，搞咁多嘢好煩！」惟承認事前有節食：「上一次食嘢係尋日朝頭早，怕食咗嘢肚谷谷唔好睇。」提到男友林師傑對她行泳衣騷有否微言，她說：「佢有畀意見，性感得嚟健康就得，舒服就OK啦！」

至於身高取勝的陳意嵐，雖然身形弗到漏，但亦希望再做運動Keep靚身形：「拍戲之前已經減咗，依家做多啲運動，Keep住身形，想健康啲！」她在新片《選老坐》中與杜汶澤有兩場激情戲，其中一場要赤裸上身令她大感尷尬，更被阿澤鬧爆：「佢知我唔在狀態，佢都躁躁哋，鬧我喺度做乜嘢！」猶幸導演及監製均對她相當照顧。