恒指昨日最多急瀉逾千點，收市跌696點，嚇怕不少股民，一直「坐艇」的黃翠如直言由蝕五成變蝕七成，但會任由股票繼續自然生長；而早前在股市賺了六位數的吳若希帳面蝕近六位數，要繼續長揸。

黃翠如直言今次股災，令她由蝕五成變蝕七成。

鄭少秋透露只買實力股，不會炒。

吳若希指曾靠買股票勁賺六位數，但今次帳面則蝕近六位數。

投資股票「錢搵錢」向來是藝人發展的「事業」之一，不過近期股市波動，昨日恒指一度跌逾千點，雖然收市前跌幅收窄，但仍跌696點。面對今次來勢洶洶的小股災，不少藝人早有對策。向來投資股票眼光稍欠準的黃翠如面對股市狂瀉，便沿用過去「豐富經驗」繼續淡定坐貨，她笑說：「我啲股票都擺咗好多年，唔郁佢，之前由蝕七成變蝕五成，依家咪又變番蝕七成囉！但我都唔會郁佢，由得佢生長。」

祁文傑曾輸百萬

而一直多方面投資的漫畫家祁文傑則自言股票方面的投資最論盡：「我喺股票市場蝕嘅錢數以百萬計，金融仲損手過千萬，因為試過信錯人，一次過輸好多。」受過教訓後，祁文傑現在主力投資藝術品，對於今次的股災，他說：「依家手頭上好少貨，有嘅都係平穩嘢！」

曾揚言靠買股票勁賺六位數字的吳若希，在今次的股災則帳面蝕近六位數：「全部都見紅，不過有一兩隻我睇好會照溝貨，加上手上都想長揸，所以唔擔心。」

秋官買開實力股

另外，鄭少秋昨晚錄影無綫節目《Sunday靚聲王》時，談到昨日股市大跌，無綫又碰巧宣布經典劇《誓不低頭》重播，秋官笑說：「丁蟹都唔喺度，一有丁蟹就會升番，信我有得救！唔貪就唔會損手，我買開實力股，唔會炒。」而林盛斌和薛家燕則表示會繼續長線投資。

另外，蘇永康大爆早在重播《大時代》時已有不少WeChat的股票群組邀請他，不過他認為股票界有很多大玩家在幕後操控，所以從來都不看好股票的前景。而劉錫賢稱不敢沾手股票，因曾被相士批不宜投資，但他不信邪，結果損手收場。