近期揚言因喉嚨生繭要小休兩星期的歌手吳若希（Jinny），前晚如常為無綫節目《明愛暖萬心》擔任嘉賓，演出期間表現「超卓」的她被網民狠批「咪嘴」，更在其Instagram留言批評，Jinny其後反鬧網民：「唔知頭唔知路，喺度嘈，好好奇你哋又唔係我Fans，又唔知發生咩事，又唔去Find Out發生咩事。」有網民指Jinny會封鎖反對者，她繼續火爆回覆：「你咁鍾意我，咁留意我，我點捨得Block你啫，仲要特登搵過第二個acc嚟留言，我啲人氣咪咁儲番嚟囉！多謝你哋！」

吳若希為《明愛暖萬心》擔任嘉賓，因而掀起與網民的罵戰！

黃家強坦言一直沒打算重組Beyond開騷。

唔抗拒「父女戀」

而她前晚出席活動，對於被指鍾情「叔父輩」助脫貧，Jinny坦言不抗拒「父女戀」，又大讚「穎琳戀」合襯，更透露前男友大她十多歲：「望上去襯、順眼、溝通到，有共同話題、目標就OK。」有傳其住宅陰重影響家庭、事業，她卻指師傅大讚屋企風水好，暫不考慮搬屋，但睇中屋苑想置業。

拖樂易玲落水

另外，Jinny昨日於社交網站貼圖，否認獲地產商「十哥」林棣權（Timothy）送車送樓，除笑指對方多世姪女外，更拖無綫高層樂易玲落水：「其實佢係買嚟送畀樂小姐，橫掂都係作，我覺得應該再作大啲。」

至於同場的黃家強，對於早前Beyond傳重組開騷臨門撻Q是因黃貫中太太朱茵欲追仔，他說：「我不嬲都話唔做，不論其他人有乜干預都與我無關。（朱茵生仔而撻Q？）男主外女主內，應該唔關事，唔好咁屈佢哋。」