Twins昨晚出席慈善晚宴時透露有意在場內買畫，鍾欣潼（阿嬌）說：「最近好鍾意畫，可以擺喺屋企，又可以投資。7、8年前喺展覽度睇中咗幅畫，如果當時買咗，依家賣咗幅畫可以買層樓！」蔡卓妍（阿Sa）則說：「我想買外國啲畫，又靚又有升值潛力。（你哋有冇投資眼光？）唔知，我同佢都有運仔，呢啲講彩數。」

Twins有意買畫，既可裝飾家居，又有升值潛力。

霍啟剛與郭晶晶拍拖赴會。

兩人異口同聲表示不會買人像畫，阿Sa說：「除咗觀音嗰啲。（似畀人（目及）住？）係，同埋聽人講唔係咁吉利。（有冇自己嘅人像畫？）通常係曬番自己嘅相出嚟，之前方力申都送過一幅畫家畫我哋嘅人像油畫。」提到台灣日前有戶外派對發生爆炸，她說：「好慘，唔好用粉末，唔好噴火，呢啲係化學作用。活動可以搞，但要注意安全。我哋去頒獎禮時都試過啲煙火喺頭頂，辣到啲衫穿窿，好驚！」

同場的霍震霆長子霍啟剛與太太郭晶晶拍拖赴會，啟剛透露待囝囝長大些便會帶他參與慈善活動，又透露兒子8月兩歲生日時不會大排筵席，只會舉家慶祝，至於何時再追B則順其自然。