美國女星Blake Lively日前公開老公影星賴恩雷諾士（Ryan Reynolds）用BB孭帶湊6個月大女兒James的照片，來慶祝他首個父親節。雖然照片曝光後贏得33萬個Like，但有很多人留言批評賴恩的孭女方式唔正確！有人留言批評：「BB好慘，似好唔舒服同唔安全。」還提議火辣爸爸賴恩去睇孭帶的使用手冊。而有家長的博客The Stir亦加入戰團，詳細列明賴恩有幾錯，有寫手直指James雙腳仔「齊葺葺」伸在BB座位的底部，會增加BB髖關節發育不全的風險。而且James的頭仔被孭帶掩蓋致空氣唔流通！