陳凱琳與鄭嘉穎的「父女戀」成熱話，作為「先驅」的吳啟華力撐戀愛不分年齡界限，昨日他與蔡思貝等出席新劇活動時表示，無懼跟相差27歲的「發電廠」思貝傳緋聞，並笑說：「最鍾意女仔多電力！」

吳啟華力撐戀愛不分年齡，笑言最鍾意女仔多電力。

李施嬅於新劇與好友黎諾懿有床戲，感覺尷尬又奇怪。

蔡思貝於新劇與吳啟華有感情戲，未知會擦出甚麼火花？

吳啟華昨日與蔡思貝、李施嬅（前名：李詩韻）、黎諾懿等為無綫新劇《純熟意外》試造型，他透露劇中將與兩女有感情戲，記者笑指其女拍檔愈來愈年輕，他即笑言男人和觀眾都喜歡看後生靚女。

去年跟內地女星石洋子離婚的啟華，不諱言現實也接受後生女，更無懼與相差27歲的思貝傳緋聞，提到對方獲封「發電廠」，他笑說：「我最鍾意女仔多電力。（唔怕被指『父女戀』？）不嬲都父女戀開，之前嗰個都差21年，年齡唔係問題，最重要兩個人夾到，但我好少鍾意劇中拍檔，要公私分明。」又恭喜談「父女戀」的陳凱琳（Grace）和鄭嘉穎。

賴慰玲籲留空間

而日前有份出席Grace生日飯局的賴慰玲，坦承嘉穎當日帶同親友到場，更買蛋糕贈女友。問到是否獲准上載合照？她說：「冇乜秘密，張相靚又開心先好Casual咁放出嚟。（公開戀情？）只係普通朋友，冇特別關係要公開，留番啲空間畀佢哋啦！」而客串的施嬅透露將與多年好友諾懿拍床戲，笑言感覺既尷尬又奇怪。

凱琳冇激爸爸

此外，聲稱「互相了解中」的緋聞情侶Grace與鄭嘉穎，最近被拍得結伴由法國返港，有指Grace雖然返港，但瞞住父親到嘉穎屋企過夜，令父親嬲爆，Grace昨日作出否認：「報道唔係事實，同Daddy一向溝通得好好，佢好清楚我嘅行蹤。至於有關同嘉穎嘅嘢，自己唔想講咁多，希望保留私隱。」