擁有33.5C上圍的「《愛‧回家》Pinky」阮兒無懼夏日艷陽，在沙灘大晒美好身段之餘，更談到苦練廣東話的經歷：「試過咬住橙皮同咬住麵包練廣東話！」又暢談早前隨無綫劇組回到出生地荷蘭拍外景，衣錦還鄉的威水史！講到理想對象，她竟拒愛靚仔：「靚仔冇本心！」　

阮兒原來唔止樣靚身材正，仲好注重內在美！

阮兒在沙灘上「瞓身」Chok甫，迷死人咩！

擁有C Cup上圍的阮兒打排球俯身扣殺，好波！

藝人阮兒（Chloe）憑無綫劇《愛‧回家》角色Pinky成功彈出，擁有33.5C好身材的她在烈日下的沙灘大晒完美身段，引得泳客不時偷望她的健康性感！自2006年度香港小姐競選後，Chloe不停裝備自己，因為中越混血兒的身份，加上自小在荷蘭土生土長，她要猛下苦功才能練得流利廣東話：「之前返香港唔識睇中文，但依家識睇雜誌，報紙都有六、七個字睇得明。試過咬住橙皮同咬住麵包練廣東話，又會邊睇電視邊讀對白，同埋我唔想自己有太多『Actually』、『Well』嗰啲，盡量都想用番廣東話。」可見Chloe注重外在美之餘，亦非常用功地豐富內在美！

衣錦還鄉 返荷蘭拍劇

Chloe最近衣錦還鄉，隨無綫新劇《殭》劇組到出生地荷蘭拍外景，問到有否以東道主身份帶隊做導遊？她稱有帶劇組到處尋覓美食：「有一日好特別，嗰日就係King's Day。個個人都着晒橙色衫，無論喺屋企定係出街都着橙色，做嘢時候撞正King's Day真係好難得！」她又透露代表無綫到當地三間電視台受訪：「行出街嘅時候，好多荷蘭嘅市民都認得我哋，知我哋拍緊咩。」

愛‧有Feel

除了無綫幕前工作，Chloe更在網上開設短片頻道，上傳自彈自唱影片，誓做音樂才女：「我一年前係完全唔識彈琴，都係自學番嚟，唱歌都係啱啱學，喺香港住，自己一個人喺屋企嘅時間比較多，令我培養到好多種興趣。」目前單身的她，談到理想對象立刻雙眼發光，更指最緊要有Feel：「同埋要對我媽咪好，以前就覺得要高大靚仔，依家就知道靚仔冇本心，冇安全感！」

Profile

姓名：阮兒

年齡：27歲

身高：1米65

三圍：33.5C、24、34