曾飽受抑鬱困擾的林欣彤將抗病感受寫成音符，她曾因自覺愧對嫲嫲，險走上「自殘」之路，幸好她成功走出陰霾，更在床邊播放自家新歌鼓勵嫲嫲！

Mag希望藉新歌鼓勵（女麻）（女麻），錄音時亦特別感觸。

Mag在幼稚園門外拍攝新碟封面，一身型Look！

林欣彤（Mag）昨日到電台宣傳新碟，新碟封面在幼稚園門外拍攝，與其Cool爆造型形成大反差，而新歌《金剛圈》及《小花》都與嫲嫲有關，她透露曾因嫲嫲身體變差，令她鑽牛角尖而陷入抑鬱低潮：「嗰時嫲嫲中風、又有腦退化，我好想有病，覺得唔可以留低佢，嗰刻我咩都唔想要，佢唔好番，我都要陪佢衰退。」

晚晚發噩夢

最後Mag學懂睇化，決定靠自己走出陰霾，問到可會播新歌給嫲嫲聽？她說：「嫲嫲中咗風，依家講唔到嘢，但我會播畀佢聽，之前我係播粵曲，佢會跟住唱。」她又自爆錄音時特別感觸，回到家後更不時發噩夢：「嗰幾晚都發夢，夢入面我係咁喊。」

力撐許廷鏗

另外，Mag提到日前與其他同事拍宣傳片，並以「終極醜女Look」示人：「拍o左段自己都唔敢睇o既片，成世人最接受唔到。」對於好友許廷鏗被指與關心妍的易服助手阿小同居，Mag出手代擋駕：「我都成日上去，識o左三年，呢家人有對孖生BB，好黐我。」