無綫高層余詠珊驚爆目前的港姐「16強」並非赴日本受訓的最終名單！她表示今年做法與往年不同，接下來10天將安排初步訓練：「去到7月2號先會有一個正式嘅候選佳麗名單，會透過一連串訓練確定人數，如果發現唔適合嘅，可能會請佢走，主要係睇佳麗嘅表現。最終可能係16個，亦有可能係12個，甚至係10個或8個。」

余詠珊表示會以初步訓練挑選適合的佳麗到日本受訓。

問到會否擔心佳麗面對淘汰壓力，再爆退選潮？她說：「根本就未有人退選，嗰啲人係未被揀中嘅。當然唔係虐待，要減肥嘅會安排減肥，要執皮膚嘅執皮膚，希望可以令班佳麗全部都喺一個作戰狀態，壓力唔再係集中係一、兩位人選身上，因為唔想咁多人陪跑，今次係會搞全民投票嘅。」