無綫花旦胡杏兒昨日到珠海長隆海洋王國拍攝廣告，她透露代言酬勞高達七位數。有份演出內地真人騷《奇妙的朋友》的杏兒表示，早前於園內水族館潛水：「之前特登為節目考潛水牌，我潛過最深就係呢度，同啲大魚一齊游都幾驚。（有鯊魚喺隔籬游？）有！都驚！但佢哋係素食。」怕蛇的她自爆於《奇》節目中要頂硬上，將一條七米長的蛇放上頸，又透露曾帶男友Phil及姨甥來長隆探動物。

杏兒自言曾於長隆海洋王國學潛水，但未有考慮水底行禮。

杏兒自爆與男友Phil拍拖遊長隆海洋王國。

杏兒到長隆拍廣告，吸引大批遊人駐足觀星！

杏兒與一對吉祥物合照，似足小朋友。

講起男友，杏兒被問到會否選擇在此完婚？她說：「好遠！（水底婚禮？）個妝溶晒！都係簡單啲，如果係嘅話。（今年結婚？）未。（有傾過？）唔係話完全冇傾呢方面，大家都唔細，又唔係廿幾歲，知道有乜嘢目標同諗法。」

另外，有傳下月約滿無綫，杏兒坦言也差不多：「暫時仲係公司嘅人。（七月就唔係？）仲未知，公司對我好好，一路幫我接Job，之後會去北京拍劇。」