「宇宙最強」甄子丹和太太汪詩詩、名模Jocelyn等昨晚出席慈善活動，早前子丹拍戲受傷，問到傷勢如何？他指着鼻子及眼睛說：「個鼻嗰度起碼唔會破相。（有疤喎？）咪當青春豆囉！男人多啲呢啲戰績冇所謂。」他透露當時一對四十個武術師傅，混亂中被斧頭擊中：「我問邊個飛把斧頭過嚟？冇人敢認，可能甩咗手。（公司有冇幫你買重保險？）應該有買，但唔知幾多錢。」出名愛妻的子丹受傷亦不忘逗太太：「我同太太講，對付40個人唔難，可以見招拆招，反而老婆一個對付唔到。」在旁的詩詩聽罷即露出甜笑。

甄子丹和太太汪詩詩出席活動，子丹還乘機氹太太。