潘源良當李麗珍家人 徐小鳳拒愛嫩口Fans
有「浪子詞人」之稱的潘源良(潘Sir)前晚假紅館舉行《最愛潘源良是誰作品展》尾場,女友李麗珍連續兩晚亦有捧場。嘉賓徐小鳳唱畢《婚紗背後》後表示,一提到婚姻就覺得心情複雜:「我對婚姻又愛又恨,『恨』到不得了!」又補充因怕被欺騙感情,所以冇膽再入情關。突然有一位觀眾向她高呼「我愛你」,徐小鳳笑說:「睇吓咩樣先!你咁細個點愛我?我要年紀、性格同我差唔多!」
徐小鳳在潘源良作品展上,剖白對婚姻的恐懼。
譚詠麟叫潘Sir赤裸上身講波!
軒仔大讚潘Sir永遠準時交歌,倫永亮則叫潘Sir分版稅給他。
草蜢擔任嘉賓。
而擔任壓軸嘉賓的校長譚詠麟,大讚潘Sir感性兼性感,又搞笑建議潘Sir嘗試赤裸上身講波:「我覺得你講波講得好到肉,好有型,所以下次講波不如你唔好着衫啦,可能仲型!」
受訪時,提到未有在台上對珍妹求婚,潘Sir指一直沒有這個計劃。至於為何不在答謝環節多謝女友?他說:「我有多謝屋企人,已經當佢係我屋企人啦!」