洪天明與大仔洪大仁（TJ）昨日到旺角出席《MOKO新世紀廣場迷你父子兵》活動，兩父子玩口餵爆谷，天明說：「本來喺內地拍戲，咁啱有兩日假，啲仔仲細，我冇禮物收！（同爹哋洪金寶慶祝？）佢喺紹興拍緊戲。叫TJ拍片祝爺爺父親節快樂都唔制，但佢好錫細佬。細佬肯瞓肯食奶會微笑，算易湊！（追個女？）雖然老婆都鍾意女，但我收工啦！」
洪天明與TJ玩口餵爆谷，冧到爆！
