陳嘉桓師妹周嘉莉自2011年參選亞姐至今，Fit爆身材一直都保養得宜，正所謂「世上只有懶女人，沒有醜女人」，家中有跑步機的她經常Keep Fit，平均一星期做兩日運動，即使出埠工作也不偷懶，到酒店的健身室訓練，收緊腿部線條，她說：「因為女仔腳形好重要，所以我都好注重呢方面，平時都會搽下Cream，保持雙腳嘅皮膚光滑。跑步機效果對我都OK，因為將我多餘嘅脂肪收緊，加上有美容院贊助，所以有做全身通淋巴去水腫，令個人睇上嚟Slim啲。」嘉莉又指平日也要配合均衡飲食：「最重要多食菜、多飲水，以前選亞姐時有102磅，可能當時有壓力、加上節食，瘦到差唔多得92磅，直到依家都冇增加。」

周嘉莉運用不同的器械收緊腿部線條。

周嘉莉即使出埠工作，仍堅持健身。