有線主持可宜（Natalie）原來對搜集各類型帽子「情有獨鍾」，家藏逾百心頭好，曾在行街時毫不猶豫以4位數購買1頂帽，她說：「其實咁都未算最癲，我係鍾意嗰款帽，就各色掃一頂返屋企嘅人。喺英國讀書時買得最多，之後決定返香港發展，咪將佢哋分批帶返嚟囉！」她又透露年幼時父母已愛幫她戴帽，將她打扮如洋娃娃般上街才過癮。

可宜（Natalie）

可宜戴帽時，斜斜哋笠上頭，見多啲劉海。

擁一頭長髮的她笑指入行後，閒時不想Set頭，隨手「笠」帽出街最方便：「呢排鍾意咗戴Cap帽，知道韓國天后孔孝真有代言帽嘅品牌，就專登叫朋友過去幫我買，點知戴住返公司就畀人『指正』，話依家戴Cap帽，係要斜斜哋笠上頭、見到多啲劉海先得，估唔到戴帽都有學問喎！」曾到各大影展採訪的她，最難忘遠赴柏林影展時凍到頭痛，結果花兩歐元購下一頂實用冷帽「救命」﹕「嗰幾日戴住佢周圍去，死都唔肯除，視如命根。」