向來對花情有獨鍾的衛詩雅，年前以自學姿態研究插花，經過多番失敗，總算學有小成，詩雅自爆曾親手紮一束鮮花送給母親，還提早一星期完成作品，沒料鮮花過於受「束縛」，最終交到母親手時又霉又爛，還被取笑「買剩蔗」，令她哭笑不得。

衛詩雅自學插花，經過多番失敗，總算學有小成，更希望將來可以開花店。

衛詩雅展示花束及禮盒花製成品，感到開心又滿足。

材料
花剪、絲帶、膠紙、鉸剪、膠袋、紙盒、包裝紙、花泥、草繩、廚房紙
花種
桔梗、波波蘭、滿天星、繡球、百合

花束製作
Step1
首先把花莖的葉全部除去，然後把所需的作配襯。

Step2
最好把襯花圍成圓形狀，接着隨喜愛長度修剪花莖。

Step3
其後以廚房紙浸水，並用膠袋包裹着已束好的花莖，給予足夠水分。

Step4
以兩層不同顏色的包裝紙包裝，造出層次感，並以草繩包紮好便完成。

禮盒花製作
Step1
首先將保鮮紙放在心形盒底，然後把預先浸濕的花泥鋪上面。

Step2
把剛才製作花束所剩下的花，修剪適當的花莖長度，然後逐一插進花泥。
Step3
盡量把花填滿，而每朵花的高度不需要一樣，直至花束鋪至看不見花泥便完成。

有一年自學插花經驗的衛詩雅，當初因家中有個空間，故決定以擺放盆栽來填滿，但每次走到花墟閒逛，往往被林林總總的鮮花吸引，終於有次把心一橫挑選了幾種鮮花回家，小試牛刀插花。由於百合花乃眾多鮮花中較易打理的花種，所以起初主攻百合，有了少許經驗後，便開始加入其他鮮花襯托，又上網Search有關插花及包裝片段來自學。

挑選鮮花竅門

回想首次落手紮一束鮮花送給母親，詩雅自言十分大頭蝦：「因為想準備充足，所以早成個星期買晒材料整，點知送畀媽咪時就謝晒，佢問我係咪將插完嘅剩番再用，第一次整得麻麻，喺廚房打斜擺時啲水又倒晒出嚟，啲包裝紙又畀水浸到溶晒，真係好好笑，仲記得無意畀佢發現紮花喺廚房時，我忍唔住尖叫，本來以為自己好勁，點知畀媽咪嫌棄，佢仲即刻教我應該點做。」

談到挑選鮮花時的竅門，詩雅表示不一定要買貴花，但重點是花要夠新鮮：「通常每次我會買二百幾蚊左右，其實可以買再貴啲，但我唔捨得，不過每次都會畀自己揀一種貴嘅花，其他就係普通花，同埋我每星期都會試新嘅花，感覺冇咁悶，希望儲多啲經驗，有朝一日可以開花店，因為每次去花店都逗留好耐，屋企啲花多到好似開花店，咁就不如直接開啦！」

繡球牡丹難插

詩雅更以插花過程比喻做瑜伽，認為欲速則不達，一切以慢為主，還可與其他人分享，她說：「香港人壓力大，所以呢個都會係一個抒發嘅方法，相信好多女仔會去學，我之後會開始上堂認真學插花，覺得基本知識要識咗先，因為一直都係自學。（一直插一紮紮嘅花？）花樽嘅花都識，開始係插花樽花，但就歪來歪去，後來就識用花泥，之後可以演變成依家做嘅嘢。（繡球易啲？）都唔係，繡球好易霉，其實好多花都唔放得好多日，繡球仲要落好多水，尾位要剪十字吸水，暫時覺得繡球同牡丹難整，試過買十朵返去，開得一朵，開時好靚，係好鍾意但又唔敢亂買嘅花。」