發哥和鍾楚紅的經典電影《秋天的童話》，1987年上映至今感動無數人的心靈，透過《東網巨星》內的《我愛發哥》環節，才令張繼聰和謝安琪（Kay）兩夫婦發現彼此皆是該電影的粉絲，阿聰更笑說：「係發哥撮合咗我哋！」

發哥成功將祖兒及師兄、Kay及張繼聰「撮合」，為《我愛發哥》畫上完美句號。

Kay及老公張繼聰不約而同愛上發哥的《秋天的童話》，果然心有靈犀！

張繼聰

張繼聰和謝安琪兩人自婚後一直非常恩愛，屬圈中一對模範夫妻。阿聰兩公婆早前分別獲邀在《東網巨星》內的《我愛發哥》環節向發哥發問，兩人都不約而同指最愛看發哥的《秋天的童話》，但原來兩個都是透過這個環節，才知道大家都喜愛同一部電影。

事緣Kay勁愛發哥的電影《秋天的童話》，發哥即拉張繼聰落水：「你個張繼聰，呢個麻甩佬咪『船頭尺』囉！你咪鍾楚紅囉！你都好浪漫呀！」又大讚Kay的《囍帖街》：「多謝你呀！唱隻《囍帖街》，你唱完之後條街冇咗喇！好彩你有唱咋！唔係真係死人喇！」

至於張繼聰原來亦大愛《秋》片：「曾經『船頭尺』（《秋》片中發哥的角色）有句對白成為咗我嘅座右銘，就係『自己Happy咪得，使乜理人？』」誰知發哥竟說：「自己Happy，側邊嘅人好辛苦，一定要令人哋Happy，自己先Happy！」當發哥看見他的眼鏡鏡片反光時，即瞇眼皺眉說：「你眼鏡做咩？花得咁淒涼！依家啲鏡片有防UV嘛！阿聰伯，你搞咩？」又不忘大讚他的演技及朱古力肌：「你啲朱古力又唔溶，舊舊都咁實！我封你做偶像，有睇晒你啲戲，做你唔死算夠運！」

戲味相同 心靈相通

雖然阿聰獲發哥大讚演技出色，但仍未親身見過發哥的他，希望親自「捕獲」發哥：「我有睇其他嘉賓問發哥嘅問題，畀我發現一名謝姓、好出名嘅女歌手同我一樣，好鍾意發哥嘅《秋天的童話》，令我覺得原來大家品味好近，我唔排除對嗰個女仔展開追求，甚至求婚，所以我覺得係發哥撮合咗我哋！」

至於被發哥大讚似鍾楚紅的Kay則笑說：「我嗰集係特別好睇，因為發哥話我係鍾楚紅呀！」對於和老公「撞戲」，她說：「我發現同張生、張繼聰咁蹺，大家不約而同都鍾意《秋天的童話》套戲。以前我哋唔係咁熟所以唔知，經過今次之後大家就熟咗好多。」