藝人梁敏儀、白健恩、伍慧珊及梁焯滿日前拍攝電影《功夫之王》，一身打女造型的敏儀，與身兼演員及導演的梁焯滿在台上過招，戴上拳套的她步步進擊，連梁焯滿都招架不住，她說：「之前有跟師傅上堂，都花咗好多心機練，仲打到手腳好多瘀痕，但真係出好多汗，唔怪得咁多女性鍾意玩，可以收身減肥！（好粗魯？）唔怕，做演員乜都要試。」

梁敏儀（左）與導演梁焯滿埋身肉搏，毫不留力。

有功夫底的白健恩親自指點伍慧珊，兩人一臉認真！

至於有學泰拳的白健恩則可大派用場：「今次要學埋其他不同武術，以為同敏儀有感情戲，點知佢同梁焯滿一對，我就同徒弟伍慧珊有段師徒情。」伍慧珊事前並不認識白健恩，對方卻給她可靠之感！梁焯滿亦很滿意三人的表現，問到身兼兩職是否很辛苦，他說：「唔辛苦，係埋位時要諗定下個鏡頭點拍。」