無綫小花趙希洛在處境劇被靚仔迷倒，她亦承認以往交男友只着重外表，最終留下情傷陰影，哭過痛過的她現時擇偶首要專一踏實，謝絕口花男！

在情路上跌跌碰碰的趙希洛現時擇偶首選踏實男，可謂「愛一個上一課」！

趙希洛與岑麗香（左）合作的《華麗轉身》大有發揮，她更希望挑戰新戲路。（資料圖片）

近年於無綫劇不乏發揮機會的趙希洛（Candice），在《華麗轉身》及《八卦神探》都有驚喜演出，而她在處境劇《愛．回家》飾演個性開朗的「瞳瞳」，周旋於「宋禮勤」張振朗及「Terry」李偉健之間，卻較鍾情外形佔優的「宋禮勤」。至於現實生活，Candice自認過去揀男友只睇樣，但現在已「痛改前非」！

「三角關係」吸睛

Candice自爆初戀男友外形討好，身邊好友均讚他靚仔，可惜對方出軌令她傷透心，現時心裏仍留下一根刺，故擇偶的首要條件是踏實及心地好：「靚仔冇本心呀！男友太靚仔會驚，口甜舌滑又唔OK，太有錢又多異性圍住，所以都係中庸啲好，依家揀另一半最緊要睇錫唔錫自己！當然你話對方又靚仔又專一就最好，好似畢彼特咁，但真係少之有少！」對於《愛》劇這段三角關係引來網友熱議，令Candice相當驚喜：「有親我哋三個嘅集數收視都唔錯，好多網友會幫我諗應該揀邊個，有啲仲叫我揀KC（區瑞偉）添！幾搞笑！」

想演「精神分裂」

《愛》劇即將大革新，長時間參與劇集的Candice表示認識了一班好友及有很多美好回憶：「平日會約埋做空中瑜伽，希望之後都Keep到！開頭畀郭少芸嚇親以為佢好惡，但其實好好人！」熱衷演戲的Candice又希望可拍電影及演出舞台劇，更想挑戰另類角色：「想演吓精神分裂或者有缺陷嘅，好鍾意喺街望人，香港雖然細但有好多唔同嘅人，有啲比較少數，都想演吓，例如有啲人長期Cosplay，好特別！」