早前公布閃婚喜訊的HunterZ成員何麗娟（Kelly）已與未婚夫籌備婚禮：「依家擇緊日子喺香港簽字，一係7月25號，一係8月1號，睇吓邊日多啲朋友嚟到就邊日啦！而行禮就會喺年尾，又係二揀一，蘇梅島或者峇里島，想喺陽光與海灘搞，而蜜月就想去歐洲！」提到生育，她笑言會配合老公：「佢想要幾個就幾個！佢入得廚房出得廳堂，一拍拖我哋就有計劃將來，佢亦好錫我！」而好姊妹蕊蕊及鄧詠雪卻異口同聲表示以工作為重，蕊蕊說：「求婚還求婚，結婚還結婚啦！始終事業啱啱起步，呢個係我嘅夢想，我唔會放棄，結婚呢啲放最尾啦！」

何麗娟（左起）即將結婚，鄧詠雪及蕊蕊都為好姊妹感到高興。